BBQ

是日本來打算入石澳 BBQ，可惜因為假期關係，成個海灘都係人，太恐怖．．．

更可怕o既係呢度非常非常大浪，真係有o的似 mini tsunami，難得一家大小重唔埋生死跳落水，勇！

新居入伙

為o左慶祝 44 新居入伙 + 訂婚之囍，今日相約 MK 去銅鑼灣購物送禮。

逛逛o下世貿發覺有<<>>o既宣傳，諗住都唔會有咩大明星出現之際，赫然見到郭富城就係眼前，係人影我影o既心態下，MK 同橫丁就... 嘿嘿！

影o左兩三張之後，我o地沿 Sogo 行去 Time Square；就呢個時候，有一大班妹妹仔 V 嘩鬼叫，重以為做咩事，原來係棒棒堂出巡(開頭重以為係飛輪海 - 其實除o左人數唔同，橫丁真係無辦法分得出呢兩班"型男")，o的粉絲好似癲o左咁，不斷吶喊助威，完全唔理馬路危險。由於事出突然，我o地未能夠作出反應，出巡電車已經風塵而去，無計... 點知行行o下，又o向 Time Square 見返佢o地；既然註定如此，我o地只好順應天命再影幾張相啦~

總而言之，今日係追星日，係明星追住我o地o既日子。

十一前的一個星期

做咁多年o野，每逢十一前o個個星期，橫丁總係忙到透唔到氣。
今年完全無壓力、無時間限制、重 day day 準時六點走人，感覺真好~

Italian Tomato

Italian Tomato buffet，以前好難先有位，今次唔使等就試o下啦~

一o黎已經唔鬼高興，buffet 8:15 開始，橫丁去攞蛋糕食，本來個侍應已經攞o左出o黎，點知 shop manager 突然出現，插佢重有2分鐘又比人食o野，2分o鐘者，係都唔好o向o的客面前講啦；之後有客攞o野食，佢重要彈多句"都比o左啦，唔係點呀？"學劉華o個句 - 今時今日咁o既服務態度點得架？！

感覺上好似無以前咁多食物揀，逸桐又食得唔多，早知...

Neway 請你食 buffet

如題

註：雖然o的o野唔太好食，但唔使錢又何妨？重要五人份o添...

中秋

今年中秋又係指定動作，好想睇花燈、玩燈籠、熱鬧一o下...

開片

兩位老板開片，十足台灣議員一樣，爆粗、撞聾、差o的動埋武o添...
老細，知唔知咁做真係有失身分？！低 EQ，低質素...

色。戒

千呼萬喚，<<色。戒>>終於上映，二十多頁的小說，拍成兩個半小時的電影，且看李導演如何精雕細琢。

說實話，片種不甚吸引，但當人人讚嘆演員驚為天人的表現、故事安排的細緻、對道具造型對白的認真，橫丁開始有一個衝動...

躲懶的一天

原本打算努力工作，埋首完成最後一份習作o既橫丁，由於 M 痛關係無法專心，居然淪為電視同床褥o既陪襯品...

無壞，總算同屋企人過o左一個悠閒週末！

肥美中秋

今年月餅特別多，肥美橫丁點收科？

左脾、右脾

睇左 MK 轉寄o既 blog，兩口子真係好 sweet，好有心思﹏
咁先係真正o既一對，結婚絕對唔係因為... 所以...，亦都唔會為o左相士o既兩言三語。
雖然橫丁唔識佢o地，但都戥左右脾開心！

紅牛

橫丁o既黑羊終於有伴o勒！
我的可愛紅牛．．．好想搵個地方放牧（放佢o地出o黎）~
註：唔知幾時有獅子、兔仔、老鼠．．．呵呵，橫丁唔可以咁貪心架。

Zookeeper

比人打破橫丁o既記錄，可惡！
I will be the "BEST OF THE ZOOKEEPERS"，睇住o黎！^.^

My Hard Bones

今日做o左另一隻推拿按摩，成身都鬆哂；
唉，真係賤骨頭！

北上

用二百蚊就做o左咁多o野：

1. GEL甲
2. 修腳
3. 惹味昆布粉
4. 麻辣粉
5. 靚靚高跟鞋

如果夠時間按摩、植眼睫毛，同食海鮮重好！

婚紗背後

今日同 Amy 試婚紗，o的衫好靚．．．
橫丁對婚姻o既憧憬去o左邊？

鼻敏感

一連兩日鼻敏感發作，好辛苦...
願橫丁是你的小師妹~

Cargo Service "YY"

超無聊，都唔識呢個人就比人話 "做乜搵個妹妹仔讀 D.G."
%#Y*!Z^X&　關你鬼事咩，重要講人是非；
先生，橫丁好似一句話都無同你講過，亦唔知你咩樣；
同邊個一齊、唔同邊個一齊又點呀？！
正一八公！

Facebook

愈o黎愈多人玩 facebook，可惜橫丁重未真真正正有時間 update... (blog 都懶去寫，唉）

Please wait~

失敗

諗住今日整o野比逸桐食，點知買齊哂所有材料先發覺而家無芒果賣．．．
好唔開心呀！

大榮華

今日終於有機會去九龍灣大榮華食飯！

無諗過咁清静... 唔使等位之餘，重有位剩，呵呵~

是日菜單有：
．砵仔焗魚腸（正，好耐都無食過呢味餸）
．梅菜蒸茄子
．五味雞（超滑）
．豬頸肉炒豆角
．馬拉盞炒通菜
．冬瓜魚肚羹　
．馬拉糕（好好好好味）
．蓮蓉桃子（即係壽包－都超好味）　

加多兩個小食、一個白飯同一渣菊花綠茶，埋單都使六百蚊，果然抵呀。

Cova Buffet

為o左慶祝逸桐細妹+姨娚生日，我o地一行十三人，開完 party 後去o左 Cova 食 dinner buffet。

講真，148 咁o既價錢重要買四送一就真係超值；不過，除左甜品同一o的 snack OK之外，又真係無乜特別... 橫丁都係鍾意 Todai 多o的，又或者可以試o下 Godiva 最新o既 tea buffet 啦。

囍宴

是日到新樂酒家赴宴，本來諗住o的o野食唔慌好味，點知出乎意料之外，有勁正o既雲南火腿翅，特色上湯煎粉果，重有超鮮味東星斑，實在令人讚不絕口！橫丁重係第一次見人打包埋o的湯渣返屋企o添~

呢度係繼北京樓之後又一五星囍宴！

HKU

今日返 main lib 借書，以前一幕一幕o既片段湧上心頭... Year 2 o既生活最令橫丁懷念...

Fringe Club

約o左一班 MA 同學去藝穗會 Fringe Club 飲o野，露天茶座都幾好 feel，食物有水準，加埋價錢唔貴o既 wine，確係一個好地方。

I will be back!

Limited Edition

好靚...

回魂夜+食神

一直都想睇返呢兩套猛片，好遺憾重未有機會...

品酒

好想學飲酒，對酒多的認識，但又比逸桐話飲到 hyperactive，>.<

其實呢樣係 social skills，學識好過第日出醜啦...

learning learning learning

Final Exam

突然發覺原來橫丁重要交兩、三份 notes ，灰．．．
算啦，都係疊埋心水考完試，出完雙糧先搵工。

Mega Box

萬眾期待o既 Mega Box，橫丁今日終於可以見識見識。

地方真係大，有全城矚目o既 B & Q 之餘，重有 IMAX、冰場，同好多好多食肆，就如一個放大o左o既 APM 咁... 可惜，呢度無一個賣點去吸引人o黎，唔太樂觀...

註：有 101 feel，好掛住台灣

Cheer!

今日狀態仍然未能回勇，係時候要獎勵一下自己...