無杯用

橫丁又打爛o左隻杯；今次係繼血腥熊之後另一心愛 - 鴨仔頭杯，好心痛~~~

萬聖節

去啤酒節+扮鬼？橫丁都好想，但一諗起o的功課，就唔可以唔面對現實o勒...

玩得開心o的啦！

Deadline

就o黎要交功課，心理壓力愈o黎愈大，有o的忟憎添...

大膽

原來橫丁真的很保守，一夜情固然接受不了，事情發生後第一時間居然問有沒有做足安全措施，膽子小得很啊！

認真佩服44吋... 最危險的地方就是最安全的地方。

情書

情書 - 關於藤井樹的故事 - 再次在香港上映。
事隔已經九年... 原來流月不留人，轉眼間事情都起了變化，時間是可以令人淡忘一切。
當年的黃毛丫頭終於明白那份細膩的感情：
"你好嗎？....... 我很好"

EQ

橫丁o既 EQ 從來都唔差，但今日居然比人批評 "EQ 愈o黎愈低"，好失望．．．

係時候要為自己著想

以牙還牙

實在不屑某o的人o既言行，橫丁決定把心一橫，以牙還牙‧
當然，君子動口不動手，實行用文字去"害死"你！！！ (好似好毒咁，但無辦法，太令人氣憤o勒)

偷窺

發現有人偷看橫丁日記，可惡！

開源節流

橫丁由今日開始要慳o的，每月儲多千零蚊，希望可以攪好爸爸個胃。

定下大計
－　少買零食（仲可以減肥o添）
－　唔再花費o向唔等使o既o野上
最重要係乙水掂爸爸睇醫生

開源方面o既策略？未諗到．．．

禿頭

今晚去APM撞見澤民兄，無見幾年，禿髮o既問題每況愈下；唔通十個有九個男人都會咁？

下世都係做女人好~

西貢婆婆

今晚帶住一個"痛"頭再加上鼻水不停流o既 running nose 去o左西貢食飯，之後遇到肥婆婆釣魚，我o地就同佢 dad 兩句。點知婆婆愈講愈興起，重問橫丁係咪有喜，真係啞哂！家陣都唔係咁肥o者~

原來婆婆都幾厲害，o翕得出o的英文生字之餘，重識到兩三句日文，失閣失閣。

唔知點解，橫丁覺得婆婆有o的可憐 - 由慈雲山長途跋涉o黎到西貢過日辰，係咁撩人傾計，個心有o的o拿住o拿住...

Happiness is ...

多得阿 Dan 幫忙，終於集齊26隻米飛
當然再加上逸桐o既心思點綴，Happiness it is!!!

人造美 vs 天然美

好愛米高新日o既偉論 -

有o的係人造美o黎o者

可圈可點

再次回歸

幾日無 sharing，係懶定係比人 cher 到煩？是但啦...

回歸返o黎簡述一下橫丁o既概況：
工作 - 糾纏中
愛情 - 蜜運中
學業 - 頭痛中
朋友 - 出現新朋友(兄弟"勳奇"、同學仔) + 期望今個星期有時間約o的舊朋友
金錢 - 仍舊赤字
健康 - 未見好轉

要好好休息了，心理同生理都係。

婚宴

呢幾日忙到死，上堂、買鞋、借書，比老細疲勞轟炸，支力死橫丁...
好彩，米雪o既婚宴終於攪掂，曲終人散，但似乎真的如 Cindy 所言 - 有下文?!
都幾 buy 係隻手上面寫名呢個技倆 (講清楚o的，對事唔對人)。

決定

橫丁終於鼓起勇氣遞信，決定了就不後悔。

小節

縱使微不足道，橫丁還是拘泥於這一些小節；一句說話、 一個動作，已令我樂透半天。

滿足了~

不快的一天

今天很灰，是自己太懦弱？定要求過高？

還好電腦已回復正常，重有三隻新o既 Miffy，是不幸中的大幸...

艾美

艾美再次失蹤了，說真的，橫丁有點兒失望... 說從大陸回來後找我，o既不見影，又聯絡不上；莫非除了工作愛情之外就沒其他嗎？啞哂~

我的電腦

辛辛苦苦去買部電腦返o黎，點知為o左慳個 CD-ROM 而裝唔成，真係好惱人！

我玩電腦，定係電腦玩我？

說不出來

就是這樣的感覺，總教人難受...

受保護動物

今晚放學同逸桐去o左銅鑼灣食o野，臨走o向維園有個男仔傻o下傻o下咁行埋o黎，問有無車返東涌，重愈行愈埋。嘩，夜媽媽都咪話唔驚~
好在逸桐及時出現凶走佢，橫丁覺得好安全呀，hehe

脾氣

橫丁o既脾氣似乎愈o黎愈差，講到尾都係自己性急，又多o野煩，好多唔應該講o既話都衝口而出...
希望快o的將所有問題解決

兒時玩意

同朋友傾開計，發覺原來細細個o個o的遊戲真係好鬼無聊，好似拋手巾、紅綠燈、連”何濟公”都有人記得．．．諗返都幾開心o既。

重記得以前媽咪唔比睇電視，每次開電視之前都要皇太后御准。媽咪出o左街雖然無皇管，但要偷偷摸摸，之後心驚膽跳之餘，重緊記同部機散熱，不得不佩服自己對物理學o既 sense，呵呵～～　
最估唔到係連美美都有相同經歷，好好！

同居

發現佢o地原來已經同居o左一陣子，當時人仍被蒙在鼓裡，太過份o勒！

大會堂

千辛萬苦搵番張借書證，襯今日閒閒o地去大會堂圖書館借參考書。

數數o下，橫丁都有成十年無踏足過公共圖書館，真係覺得自己好"優雅"。而家o個度o的設施比以前好好多咯，可以預約之餘，重可用電話續借。

不過橫丁諗起要做功課就打冷震~~