返來囉

好快就過o左一個禮拜，去到布吉淨係游o下水，食o下o野，好不悠閒...

返到o黎心情又再度煩躁；因為谷住谷住，定係"此地不宜久留"？從來唔鍾意博o既橫丁，睇黎都要買一次大細~

上機

死趕爛趕終於做好份功課，感覺唔太好...
算啦，聽日上機o勒，可以休息一下...

Maygi

Amazing! 真係睇唔出原來佢已經 40 歲，橫丁重以為人家三十未夠，真係保養得好好！

佢咁o既經歷都唔差o丫~

前途

呢兩日個心囉囉嘍，好想再上一層樓，識多o的o野，彌補自己o既不足，唔可以做一個人肉機器！
(但係咪好似逸桐所言，要求太高呢？...)

買樓

原來媽咪都係放唔低，一直想有屬於自己o既一層樓。其實，佢為o左我o地三個辛苦o左咁耐，都係時候要享福，既然橫丁能力許可，係咪應該為佢o地兩老諗o下？

"小姐"

極度極度唔開心！！！明明好o地o地問資料，反而比人喝，我拍拖咁耐都未試過咁受氣！！！
大家都係打工，人o地唔肯放貨又關我事？
唔想啋佢！
憎死佢！
唔鍾意同o的咁o既人一齊！

醉酒佬

爸爸七十幾歲人，飲酒飲到語無倫次，重以為咩事，真攪笑！

苦

看穿了，近日心情差極... 一個緊接一個既死期 (deadline)，橫丁終於參透"苦"究竟有幾"苦"！

好想休戰~

去唔成

好黑，成個團得四個人報，唔通他信問題真係咁嚴重？
無得去曼谷咯...

靠人事？

同一個自以為事o既人講野，滚！

比人咁 comment，係人都慶；最重要係比一個無料o既人 comment，想咬人呀！！！

Transamerica

無諗過"男"主角係女人扮，Felicity Huffman 真係做得好好！
Kevin Zegers 都型~

欣賞

突然發覺原來橫丁好少讚佢 (只因為唔想自戀狂病情發作)
不過諗真o的，佢有佢o既魅力o既；最鍾意係無論佢平日點惡都好，有咩事都一定會就我，嘿嘿！
好想到五十年後仍然有呢種感覺...

大出血

今日放學路過 boutique 勁買4件背心，可以去旅行著，yeah!

deadline

星期一就係 final paper 既 deadline；雖然已經進入 fine-tune 階段，但總覺得寫得唔夠好...

Brent 話只係做o左一半，似乎老定o左o的。不過以佢既 calibre，應該都唔會差得去邊。

God bless us~

厭世

雖然o係別人眼中樣樣都唔差（事業、愛情、家庭．．．甚至可以用好o黎形容），但成日都會諗 - 如果死o左咪唔使再煩？或者，橫丁心裡面o既魔鬼太強，好支力，真係好支力~

失蹤

突然發覺原來自閉o左好耐，上堂、趕 paper、返工、拍拖．．．朋友都無時間見，感覺太差o勒～　
唔可以再係咁，快o的完成手頭上o既 assignment，４月要蒲頭！

吵架

兩種人，性格唔同，喜好唔同，但又一樣硬頸，唔嗌交就假！
成日都比人覺得小題大造、醋罈子、小器... 愈愛一個人就梗係咁架啦，除非唔 care 啫。
究竟係咪要放開o的？

講大話

老細今日請食飯，日食夜食唔肥就假。
佢應承飯後唔打麻雀，估都估到，咪又係繼續，搞到橫丁戇居居自己一個人上佢屋企...

買‧唔買

睇中o左個袋，盛惠五千大元；
又唔係大捨得，有錢都唔好咁 fling；
掙扎中．．．

靜

流年話我今年有"捲舌"之災，都係少講為妙。

婚期

今日收到阿 Tea 既喜訊，１２月就結婚o勒，真係戥佢開心！

突然間，橫丁心裡面既一團火好似快要熄滅．．．由無諗過變成好想，到而家又開始唔再去諗，唉~

Triple's O

好掛住佢o地o既勁大漢堡包，粗薯條同 creamy 奶昔，yummy yummy!!!

老虎‧美女

如果深愛的人要離開你，變心還是死亡好一點？

好渴望分享這一個故事　－　

很久很久以前，有個未開化的國家，國王審判犯人的方式就是在競技場內一扇門關老虎，一扇門關美女，一切交給老天爺決定。國王相信如果犯人無罪，他應該會幸運選到美女；選到美女的人可以帶美女遠走高飛過幸福的日子；選到老虎的人就會被老虎咬死。
國王有個美麗的女兒，偏偏愛上一個平民青年，國家規定王室跟平民相戀是有罪的，所以國王發現後憤怒不已，把這名平民抓到競技場。同樣的，一扇門內關了老虎，一扇門內關了一位美女。這樣無論他選擇哪個門都不可能再與公主在一起，這樣國王就可以放心了。
全國的人們湧入競技場觀看，國王在場，公主也在場，公主事前就運用關係，已經知道哪一扇門後面是老虎，哪一扇門是美女。她蒼白著臉在看台上，青年望了她一眼，他知道公主一定知道兩扇門的秘密，他渴望公主給他一個方向，給他活路。公主在心裡掙扎萬分，她認識門後的美女，那是宮中最美麗的女僕，她無法忘懷相愛的點滴，無法接受他與美女遠走高飛，重新生活，卻也不願看到心愛的人死亡。
所以她想了很久，終於微指了右邊的門，青年於是慢慢走向了右邊那扇門，
所有人都屏息以待門打開的結果 ...

故事結束了，如果你是公主，妳會選哪扇門給他？

我選
．．．
．．．
．．．
．．．
美女（掙扎了很久!!!）

縱使無法和心愛的人在一起，橫丁希望對方仍能夠幸福快樂。
你呢？