Lesbian

"Lesbian" 源自古希臘，係一個名為 Lesbos 既小鎮裡面，有位抒情詩人 - Sappho，佢善長描述有關女人之間既感情，因此女同性戀者就被稱為 "Lesbian"。

橫丁對同性戀呢個 topic 真係有無比既興趣

直覺

橫丁直覺上梗係認為佢就係傳說中o既...

旅行三保

要將呢個體會公諸同好
以後大家去旅行記得帶備以下三保 -

啃子
安全措施
解酒藥或任何相類產品

咁就萬無一失！

預繳稅

好鬼開心，終於平反成功，唔使交預繳稅，太感動o勒～～～

泡泡龍

原來有人身懷絕技，尋晚表現傳說中o既"泡泡龍"，真係技驚四座！

好可怕~~~

賽馬會

第一份 assignment 決定做賽馬會o既市場策略，要開始努力搵資料，歷史背景、相片、網站、小冊子咩都殺！

揀呢個 topic 既有 gimmick，又可以同逸桐多o的 talking points（可以去馬場，一個現場直擊，一個博物館搜集資料），橫丁要用心去做呀。

我的電腦

電腦中完毒後又開唔到機，真係好想講句"何必偏偏選中我？"

再裝 motherboard 又煩，換過部 labtop 又貴，唔理佢又做唔到功課．．．橫丁只想安安靜靜咁 search 下o野，寫篇 essay 咋嘛，部死o野就成日蝦我！！！

美姬偉論

美姬問："以前男朋友對你好o的，定係係 L 好o的？有無後悔當初o既決定？"

講真，橫丁又無後悔過；雖然心知唔可以再搵番一個對自己咁好o既人，但佢o地始終係兩個個體，根本唔應該比較。況且，我同佢分開主要係因為大家方向唔同o左 (不過講到尾，都係自己自私．．．)

當然，"美姬偉論"有一定o既道理，但橫丁就不敢苟同。

Miffy 兔

等o左好耐o既 Miffy 兔重未出現，幾時先開始換？？？

好期待 Nudity 個隻．．．

要多o的人幫橫丁換哂先得~

自我反省

尋晚第一次上堂，原來三粒鐘又唔係好難過喎。
成班４１人，最精彩係個鬼仔，識講中文之餘人又得意，Multi-Channel 總好過全部英文咁 harsh 丫。
突然間，橫丁發覺自己真係一隻井底之蛙，比起四年前退步了不少；
眼見同學仔o既水準咁高，要努力o的先得，catch up 呀！！！

難題一則

若果你有十蚊，你會比幾多錢另一半？

唔可以亂答，要認認真真咁諗。

放肆

爸爸媽媽往廣州旅行，橫丁同姐姐可以放肆咯！！！

明天開始返學，what a harsh life，要收心養性o勒～

艷遇

MK回歸，本來值得高興一番，但得知慘被強吻﹐不禁啞哂！！！都係要保持驚覺~~

月餅

中秋年年都要食月餅，雖然確係 heavy o左o的，但一年一次唔怕啦。

橫丁愛好蛋黃白蓮蓉走蛋黃，幼滑o既蓮蓉沾上油水十足o既蛋汁，肥兩三磅都無有怕。

論至愛仍舊係大班冰皮月餅，可惜今年無人買比橫丁食咯。

一個遺憾~

私家杯

橫丁隻血腥熊杯比人打爛o左，好唔開心。
可能有o的o野已經唔屬於我...

壓力

橫丁近來皮膚差得很，明白是壓力帶來的惡果。工作、金錢、時間分配，各方面都未能盡如人意，兩年以來從沒承受過這樣大的壓迫；仍記起上一次是遊台灣之前的事... 也許橫丁真的需要一個假期，停下來，休息，舒緩，放鬆~

大話

又係大話一則，天網恢恢，終於被發現，信心指數無奈再創新低。

歸根究底都係以前o既事，忘記它吧！

中秋

過o左中秋，逸桐就要去上海o勒，橫丁真係好唔捨得，決定假期唔同佢o地去玩，要留番所有時間陪爸爸。

雖然之前打算o係開學前過澳門玩，重搵埋豬頭 Ling 幫手，算啦，等遲o的再 plan 過，到時一定更加盡興！

唔好再唔開心，免得逸桐過去做o野都囉囉嘍．．．

妒忌心

橫丁果然係一個醋罈子，聽到同Monchichi有關o既o野都會諗埋o的負面o野。

但佢又可以無動於忠喎，最憎人咁老定！

格仔餅

細個放學之後，總愛到東大街逛逛，閒來買半份格仔餅，享受媡奶砂糖 crossover 花生醬o既美味，真係好滿足！！！代價都只不過係兩個半銀錢（當然，脂肪上o既增長就無從估計）。

直至今時今日，市面上已經唔再有半份格仔餅賣，取而代之變成十蚊一份少醬欠質感o既焗餅；係環境變o左，定係自己要求高o左？渴望自己仍是當日容易滿足o既果子屋橫丁．．．

Michele & Ronald

Michele 籌備o左年幾o既婚禮舉行o勒 ！！！

所有o野都係精心佈置 - 場地、花車、禮服、食物等都係最 Top；酒店周圍舖滿鮮花，好一個童話式o既婚宴。

播放 video 個一刻橫丁係度諗，如果佢向我求婚o既時候，橫丁一定會喊到半死...
當日因害怕婚姻而逃避去想，突然間卻好有衝動去結婚，"Will you marry me?"呢一句話幾時先會對號入座？

孫燕姿

終於睇到孫燕姿第一場演唱會，一貫o既水準，果然沒讓橫丁失望！尤其係佢著住鮮黃色公主裙o個一刻，好靚，真係好靚。雖然跳舞環節總係有點兒突兀，但仍可看出其苦心 (縱使橫丁較 prefer文靜o既 Stefanie)。

當壓軸唱 "THE MOMENT" 時，橫丁真的感動了... 因為那句話正正是橫丁內心的寫照。一起努力吧！

Creativity

不得不佩服中國人，可以用廉價o既物料去製造日常用品，好似酒、豉油、椰果、蓮子等，連假蛋都造得出，好厲害o既傢伙。姑且勿論道德人格o既問題，佢地真係創意第一！

註：筆者最愛當然係頭髮造豉油啦

惡耗

尋晚收到報稅表，真係比佢嚇親，要交成五位數字o既預繳稅！！！無聽錯，係五位數，天呀~ 好多o野都要再 planning 過，失哂預算。

橫丁o既擔子又重o左o勒．．．

上海

知道逸桐要去上海，心情好down (老細已經確認o左)
唔知佢識唔識照顧自己？
橫丁無o左佢o既日子又會點呢？
>.<

姐妹團

姐妹們第一次相聚，攪盡腦汁諗到好多遊戲玩新郎，最鍾意係油炸鬼加自選醬料（榴槤cream、Wasabi、腐乳、苦瓜醬等），愈變態愈開心！

１０月１６號快o的黎啦！

尋

點解一支百分百o既蘆薈汁咁難搵？有無人知道 Amway 個隻o向邊度買到？

急求~

LV

今晚橫丁終於收到逸桐o既生日禮物，雖然細o左一個 size，返學無咁實用，但係都好靚。

決定要星期五去街街用！

2006年8月16日

突然好想出年o既生日o係第二個地方過．．．

可以係橫丁最愛o既台灣，渴望到o既東歐，重遊北海道（享受炎夏漫天花瓣o個種感覺），又或者係一個從未踏足o既小鎮。

期待>>>>>

受難日

晨早同逸桐、水哥及May May去迪士尼，可惜天公不造美，勁落雨，咩心情都無哂。

環境幾好o既，嘩，始終用o左咁多年起，唔可以太差啩。但係行行下已經盡，真係細得可怕；又多人到死，o的員工唔 well-trained 之餘，重要極度唔 nice，咁都可以成為一個國際性樂園，sigh------
（最激氣睇巡遊時比後面班細路係咁踢，攪到橫丁都發火）

唯一可取係某o的節目都好玩吸引，好似巴斯光年、米奇音樂劇同亞熱帶河流。不過如果要比三百幾蚊就咪使旨意橫丁再去。

p.s. 臨走收到心形米奇朱古力，好 sweet ~^.^~

失禮

今晚一班人去 Bling 飲野，個 mood 好好，最後梗係失禮人啦，搞到無啦啦大喊，醜怪！重要今朝好似遊魂咁，飄移飄移~

其實為咩而喊？真係唔知，或者想 relax (唔係，應該係 release) o下啩．．．

前路

"．．．悠長工作，過後仍是工作．．．"

突然覺得唔知每日咁辛苦其實為o左乜？好想搵一個方向，一個目標，等自己有存在價值。就好似年頭為報 MASTER 而準備 TOFEL、推薦信、申請信一樣，雖然 harsh，但好滿足。

或者根本就係一條辛苦命～