輕．鬆

呢排無論食幾多o野，體重都一直下降；希望事情快o的解決，心情靚靚~

眼睛

check 過隻眼，有一條小裂痕，真麻煩~
希望生生性性唔好發炎...

My plan

公司有變數，可能睇埋5月；
但好想同 MK 去西班牙...
要視乎老細可唔可能 off 橫丁一個月o勒...
商討商討~

團拜

好難得今日一家齊人(除左老豆)團拜...

阿姨舅父個個都老o左，表弟表妹重話咁快18歲o添，真係歲月摧人。

之後又去唱 K 同食野，好一日 family day！

心想事成

又係爛片一齣，一o的都唔好笑，被鄭中基"坤"o左。

Easy Lover

好開心您 N/A 勒！恭喜恭喜~

生日快樂之餘，都祝您甜甜蜜蜜啦！

1/3-3/3

二家姐決定往台灣小休三日，好羨慕啊！
橫丁都好想外遊...
幾時先可以？

自我懷疑

一個係咁，兩個係咁，三個都係咁... 橫丁不禁懷疑自己o既管理能力；
偏心？扮野？虛偽？靠好運？唔幫佢o地 flight？點解要咁喎？
係某某立心不良，定係橫丁有問題？又抑或係o個o的人心頭太高？

好討厭 ---- 自己

大利是

今年又有大利是一封，勁開心！

A Bad Trip

年初二跟豬皮、美姬一行十人去澳門，極度 bad luck：

1.　隻眼十個"支力"
2.　逸桐又輸錢
3.　相機濕o左（而家有灘水積）
4.　打唔到比 MK 相約
5.　無乜影到相

．．．．．．

大年初一

恭喜發財！

新o既一年希望事事順利，甜甜蜜蜜，事業學業兩得意，身體健康，朋友開開心心，家人出入平安！

哈哈，好似好貪心咁...

我著 11 號

今日去改戒指，原來隻手得番 11 號，記著、記著~

凱旋回歸

睇到o野o勒，睇到o野o勒！

諗返起個手術過程真係幾恐怖 - 全程睇到、聽到、聞到、感覺到，重要個醫生話我個頭側o左，一句 "It's a history，做另一隻眼唔好郁o勒"，啞哂~

好彩，今日覆診 everything ok，YEAH!

Lasik

小妹今日做 lasik，希望成成功功，精精靈靈啦！

情人節

諗住求其食餐飯，原來逸桐早有準備；
講真，之前都估到佢有o野同我講，但又唔知道安排o左咁多；都話如果爸爸講大話，橫丁都唔會發現o架啦~
o個刻係好開心，不過唔知點解，橫丁又無話好感動喎。或者逸桐個樣好尷尬啦，重有o的唔好意思... 反而個 SMS 就令人有衝動；好想佢真心真意，大膽o的同橫丁講多次...

Anyway, thank you for your heart in Valentine's Day!
I LOVE U

情書

逸桐，

近來橫丁真的煩透了，連一向重視的情人節也未能提早預備，在此要向您說聲對不起。

橫丁是一個理性的人，由於想得太多，經常令您苦惱，真是W&$*X#%Y~!!!

橫丁亦是一個脾氣大的人，要大男人的您去遷就、去縱容，請多多包含。

您常常問橫丁喜歡您甚麼？就是喜歡您，您的性格，您的外表，您的一切；知道嗎？

真的很感激您的存在，對橫丁的支持；我知道您做了很多很多，謝謝～

橫丁

Monchichi

原來今日o個個就係傳說中o既 Monchichi，唉，緣慳一面o添．．．

中

都話比我估中，今日真係無 mood 同佢o地講o野... (或者以後都唔會；呢o的一定唔會係朋友)

最開心係亞 Sue 既一番話，令橫丁再次振奮起o黎！！！

結婚

知道佢就快結婚，橫丁一o的都無驚奇... 呢個係佢o既願望；
若果當日無散到，可能我o地都結o左婚；
感覺？無乜特別，就好似聽到一個好耐無見o既朋友將會結婚咁。

~衷心祝福您~

(都係o個句，一日搵唔到 Mr. Right，無"叮"一聲好感動o個刻，橫丁都唔再諗呢樣不設實際o既o野)

Annual Dinner

今年好幸運，比逸桐同橫丁抽到 20'LCD 電視，重有 SONY T50 最新型號相機，恨o左好耐o勒！

重攞埋老人牌，灰~

亂 plan

Olay 已經表態，算啦，o的咁o既人，一o的責任心都無... 可憐橫丁要搞手尾

唔通真係好似老板咁講，試下o個個 G.M？

黑仔

由於左眼眼角膜太薄，橫丁要15號做 lasik 啦，重要貴o的o添...
要搵人同我買太陽眼鏡呀！

turn down

比人 turn down 既感覺真係差，雖然佢講o既o野又真係o岩 (公司得三條友，career prospect 似乎同你唔夾)，不過...

算啦，當做 practice 啦！

忙透了

呢排橫丁一定係心緒不寧，連情人節都忘記了...
煩~

澳門遊

一家人去旅行，已經係六、七年前既事。今次一行七人過大海，有得玩、有得食，實在太好o勒！

之不過橫丁確實比轉工一事困擾 - 心理上係好 firm，但又擔心自己係咪有能力去搵到份好工？終於係無所事事之際，家姐建議去白鴿巢公園睇流年...

唔知居士係好心定習慣報喜不報憂，聽講話橫丁今年既走勢會開始好。原來佢話我 06 年就真係麻麻，05 年既姻緣重一定會唔好，散硬！~ (趙居士又真係幾準)

佢話橫丁 07 年有貴人，之後十年都有運行(總之好過之前)。但切忌買 3、13 同 23 既樓，做工就最好揀水/木/土等行業。至於轉工轉行，由於有貴人相扶，一定"無難度"(好似某某補習社賣廣告咁)。

雖然橫丁從來都唔信呢家o野，但既然可以令自己心安o的，又何樂而不為？

EQ

做o左咁多年野，EQ反而低o左，悲！
今日個腦不定咁轉...
I need a break！！！

希望聽日同屋企人玩得開心o的啦。

攤牌

今日同 olay 攤牌，橫丁真係好佩服而家o既後生女，一句"我唔係好明你講乜喎"，絕！

算啦，又係一個"可造之材"。

係我有問題嘛？

我知道逸桐唔開心，好o地o地又放棄高薪厚職，唔知前景就話 quit。
係，我確係好唔理智，但我真係想抖抖，做一o的自己想做好耐o既事...
唔開心！！！就如當日佢口講話支持我讀書，最後都係分手收場
唔想！
我只係想第日生活好o的，唔怕同行"攬抄"o者，我有錯嗎？我諗將來有錯嘛？
或者我唔應該去西班牙，要o向呢兩個月內搵到份好工... 又或者o係我太 harsh...
Sorry 呀 MK (唔知點講好)