阿福

今日居然見到真人版牙刷仔，o的留海又尖又硬，重要鬼死咁長，簡直可能插死人；可惜橫丁顧住睇，唔記得影低相，飲恨呀！！！

Cash Dollars

突然發現恆生 cash dollar 確實幾 so，遲o左用，實在太笨o勒！
努力簽帳~

陪客

又做陪客，可能o尋日o岩o岩淋親，頭暈暈兼鼻痕痕，完全不在狀態，好苦．．．

大蘿王

呵呵呵... 都話我眼光準，佢比我更大、更穩重，絕對可以稱得上"大蘿王"！！

有感而發

點解人o地可以咁叻？橫丁都係爭緊o的o野... 要 talk 得、要古惑、要做o的o野出o黎令人眼前一亮！做得好係應該，但而家就好似有o的停滯不前o既感覺。

又到o左人生交叉點o既時候。

荀

以為 500 蚊來回泰國咁荀，點知都係 airline 既豬頭骨；晚機去早機返，攪到洛奇同橫丁一場歡喜一場空。

Too bad~

遇見

條腰痛到死，最後都係忍唔住去做o左個 Aromastone，即刻精神哂，重o係同一個車卡見到逸桐o添，好驚呀！

唉，腰患確實令橫丁使多好多錢，要開源節流先得。

冰皮月餅

一句簡單o既說話，居然有人記得，好窩心啊！

恨o左好耐o既冰皮月餅，"咕"一聲就比橫丁食o左２個，哈哈！

丁丁丁丁

橫丁又丁一科，好開心呀！！！

伴娘

做伴娘係咪真係咁恐怖呀？死啦，突然間好驚o添．．．　
橫丁最憎就係o的麻煩友，黑面o架！！！

個人總資產值

老實講，我都明白呢樣野係一個人最大o既秘密，你o既理解亦好岩，從來男女都唔平等o架啦。無計！

笑笑居酒屋

今日去o左呢間類似和民o既餐廳補祝生日，環境都ok，可惜食物水準就差o的...

44吋仍舊要人care，重爆出3人同床o既秘密，現代女子果然好大膽。

收到瑜伽衫做禮物，合哂心意！

大師兄

人人都有一個大師兄，佢居然重記得我生日，縱使感覺怪怪o地，

台灣

又來到這個地方，許多東西都變了；沒有再下雨、"齊辣"撤離老家、第二航道啟用(差點害我們趕不上機回港)、阿 Ding 剪了一頭短髮、Nadine 的女兒也快一歲了... 一切一切均無損橫丁對台灣的情意結。

酷熱天氣實在令人難熬，脾氣太差了，橫丁答應您會改的。

16 號收到不少好友的祝福，最 surprise 算是孖生阿哥，努力找個女朋友吧！沒有來電的朋友，橫丁真的等了很久，有一點點失望 >.<

總括而言, 這個生日橫丁過得好開心舒服啊！

好久不見

她‧第一次踏足台灣的友伴
她‧一起學習單簧管的知己
她‧K場的拍擋
雖然長大了，但她在橫丁心目中仍是老樣子
要保持聯絡啊！

危險速逃

<<近期既格言>>

好唔想再放咁多精神時間o係公司度，day day sharply 閃！

魔盜王

果然係好出色o既一套戲，無論故事、人物、特技同佈景都 perfect，好有衝動睇返第一集（因為已經唔係好記得o的情節咯... 鬼咩，o向半睡狀態睇嘛，係咁上o下）。

八爪魚，認真怕怕～

難題

呢排成日都比人問幾時結婚，問佢幾時會買樓，真係好想答 - none of my business!!! 由極度唔想到好想，再到而家無乜感覺，甚至開始有o的怕，點解會咁？似乎由此至終，呢一件都唔係兩個人o既事．．．

Gathering

讀書後少有o既 gathering．．．雖然都係唔齊人，但感覺好好。

先係識到學識淵博o既婆婆，繼而參觀米雪o既新居，睇埋劇集之餘，重收到靚靚頸鍊，好開心啊！

青衣確實係一個好地方，雖然遠就遠o左o的，不過都幾多交通工具o丫，最重要係個 view 真係好正～　太令人羡慕o勒

窩心

收到一份令人驚喜的禮物，沒想到...

人大了，追求的再不是物質上的滿足，而是心靈的快慰；其實只要記得這個日子，跟我說聲生日快樂，伴著我便足夠。

Yoga

今日跟 Amy 去玩瑜伽，感覺好新鮮。雖然係(支力)，但好耐都未試過成身出汗o既感覺！！！結果橫丁捨棄朗豪坊而選擇銅鑼灣，係就係貴o左o的，不過諗到可以多o的時間見到舊朋友都值得o既。

工作係可以令你賺取金錢，卻又失去私人時間；進修讓你得到知識，同時亦少o左同朋友相聚o既機會... 或者，我o地只有用更多o既錢買返無o左o既時間，珍惜與朋友一起吧！

失驚無神

無啦啦興起去o左澳門，莫非橫丁o既一百蚊真係咁犀利？不過確係一步一驚心... 唔好賭咁多o勒，有幾多人有足夠o既自制能力o丫？玩o下都 ok，沉迷就 X^$Y#*&X!%Z<#

比隡薄餅店好似失色o左，要再搵食o勒！

法式

做了一個法式，可惜最後也弄花了，氣結！

原來比普通的更好，感覺很整潔。

生日禮物

今日同 Alison 食飯，有好消息（結婚）之餘，重收到今年第一份生日禮物，再加埋個朱古力軟心蛋糕，好 warm 啊！

３月１１號嘛，約定你。

退會

Physical 終於到期，橫丁o拿o拿聲去退會。雖然 keep 住運動係好，但百零蚊一個月就抵者，若果要成三舊幾又影響條腰o既話，都係早走早著。

下一個目標係喻咖。

風起雲湧

睇見o的雲飄得咁快，突然諗起當日o既一番話...

起行

今年重遊台灣，無o左如期o既興奮，係我唔再愛呢個地方，定抑或係唔想面對自己o既幻想？

．．．始終都開心o既，好似咁大個都未試過o係第二個地方過生日；輕輕鬆鬆休息o下，返o黎再搏殺啦！