狀態大勇

今日雖然忙，但橫丁狀態十足，重比人讚o添，呵呵！(唔係寒暄o個隻喎...)
要努力o勒，放多o的心機去學人 social，做個周身刀、張張利o既 manager！

旅行

大家姐同二家姐決定11月中去泰國，好羨慕啊！
計o下計o下又好似未同過大家姐出 trip，唔通真係有代溝？
二家姐話一齊遊日本，我都想，但要好多 $$ 呢... 唯有努力儲錢。

To Chloe 仔

今日細閱您o既網誌，好 sweet 呀！祝你o地幸福快樂！
就算去捷克結婚都要請我呀~

眼疾

隻眼好痛好痛... 又紅又流眼水，會唔會視網膜出事？

但橫丁做想激光喎...

火間土

今日去火間土食飯，突然諗起以前o既大佬，其實好應該約佢出o黎聚o下舊，始終佢都照顧o左我o地咁耐...

要 Act--ion！

真相

有時有o的o野真係唔知好過知... 只可以話人性太醜惡，又或者愛情o既魔力實在太高；一個女仔就係咁比人騙財騙感情，可憐~

唯一安慰 - 原來自己係佢心目中都係一個好人。

怪誕事

唔知係咪萬聖節就到，怪事頻頻發生...

今朝搭 lift 跌o左粒鈕，本來都唔為意，點知落樓之後有個男人行埋o黎，『阿生，你跌o左o野呀』，比返粒鈕我就走開．．．我點睇都唔似一個"先生"o丫，究竟佢係叫我"阿生"、定係"阿珊"呢？但係我唔識佢o架喎，真係耐人尋味～

搵工跳槽

雖然未係好熱衷去搵工，但點解好似無乜選擇咁？寄o左o個o的信又無回音... 想 prepare 下都無機會o添！

有無高人教路？

志同道合

都話你同我志同道合o架啦
點解一定要等2、3年？點解唔可以想就即刻去做？
話等幾年又唔係有行動去實行．．．到時又會點？唔通真係畫公仔畫出腸？抑或"三年又三年"？
終於有共鳴o勒！好安慰～

Starbucks

勁，連荔枝角都有星巴克o勒！

我們的大美國主義~~

唔見o左

估都估唔到，成批貨居然比人冒收！係，無錯，係冒收！！！有收貨紙、公司印、公司制服... 你話係自己人？但全部都係假o架喎，唉~ 真係咁大個女都未聽過。

希望天網恢恢啦。

行山

公司攪旅行，一行廿幾去南丫島行山。全部都係太太同人o地老公、或者人o地亞仔亞女，悶爆！唔係逸桐係度o既話，我都唔會出現...

點解後生仔女無興趣？
一) 地點遙遠
二) 活動唔吸引
三) 星期日晨咁早出發
四) 代溝 - 最重要o既一點

淨係咁都無o左大半人啦。

同場加映放飛機添~

我的心愛

唔覺意沖o左條帶落馬桶，心愛o既裙一下子泡湯了，勁唔開心呀!!!!

2007

2006 已經算差，點知通勝話橫丁出年重差，吉星全無，凶星就大把，又係辛苦命一條，黑仔...

唔得，我要反抗！！！

簡直係一個偷窺o既行為

又私下睇人o的野，討厭討厭討厭呀！！！
好想有個私人空間....

有無攪錯？

討厭！今日陪逸桐去剪頭髮，得o個三個人，居然足足等o左兩個鐘都重未有得剪。喂，你要人等咁耐都唔該講聲啦，重要脂脂油油；最頂氣係佢重話我 EQ 低；大佬，若果o個個唔係你指定o既師傅，你都爆粗啦，激鬼氣！！！

婚禮

今日中學同學結婚，見返一o的好耐無聯絡o既人，肥o左、瘦o左、"佬"o左、索o左... 個個都好大變化。

人大o左講o既話題不外乎幾時結婚，買左邊隻股票、又或者亞邊個邊個而家點，好"大人"o既內容~

最驚喜係撞到 Kitty，原來世界真係好細。

早收

勁開心，中秋有得早收！
重可以連放兩日假，用一個字形容而家o既心情 - 爽！

愛得太遲?

既然不是時候就不要想，做回當日的自己吧！
怕太遲？沒有"遲"的觀念便不會太遲；
沒有安全感？就讓自己給予自己最大的安全感：
好好享受我現有的，自主的生活才是橫丁所渴求。
不要再問這個問題了...

抑制

說穿了， 心情確實很低落...
原因？不知道...
也許是 repression 吧...
一個場合，某些對話，迫使自己不再去想...
為何一定要三年後？何解所有事都依計劃行事？
愈來愈想放棄；但如果待我放棄時他又想的話，那怎麼辦？
It's always the timing problem，就像當日一樣...
想與不想，從來都不是一個人的事...
Why can't we meet our Mr. Right at the right place, right moment?

飛上枝頭

開始明白點解大陸女仔渴望嫁個香港人，
可以 afford 買名牌、戴 Rolex、飲 Starbucks...
生活指數隨時高過香港女仔，無壞o丫~
比我都千依百順啦...