2005年大事回顧

又一年o勒...

回顧2005年，橫丁真係大起大落:

一段感情o既結束 -> 另一段感情o既開始

升職 -> 辭職

渴望有一個充實o既生活 -> 達成願望，修讀碩士 -> 渴望休閒o既生活

唔生粒粒 -> 內分泌失調 (重未搵到良方解決)

期望來年更好！

升職

天無眼，經理竟再次升職，Senior Sales Manager，what a funny game!

咖哩魚蛋

- 橫丁遇上痴線佬 -

今日o係旺角行行o下，無啦啦有個男人撞埋o黎，成串咖哩魚蛋 "hi" 落橫丁心愛o既白色褸度。火都o黎~~ 行路唔戴眼，重要去執返串魚蛋，愈行愈埋，講野一舊舊咁，諗起都恐怖。

手無搏雞之力o既橫丁當然... 又報銷了一件衫，極度唔開心。

新男友

洛奇又有新男友o勒！
橫丁有幸成為公司第一個，亦係唯一一個人得知，呵呵！
"還不錯"~

實果子

今日無意中睇到八妹仔同實果子o既 msn history，真係諗唔到原來佢咁憎我。

因為一個人，佢可以不滿我做事o既方式，斷定我公私不分。雖然係之前發生o既事，但橫丁真係好唔開心，個心好痛... 原來唔單止實果子，就連經理、Kelvin都咁諗我。

橫丁明白呢個世界上唔可能所有o既人都撐自己，但比日對夜對o既人質疑確實唔好受。

=(

燈飾

又一年無睇燈飾...

南亞海嘯

話咁快就一年...
當日係異地睇新聞報導時重以為講笑，而家諗返起都好 sad

另一方面都係一個有意思o既紀念日

安靜

雖然要帶住咁多牽掛過聖誕，但橫丁都覺得開心，因為身邊有人支持自己！

TRY MY BEST TO GET THROUGH ALL OF THESE OBSTACLES.

King Kong

成套戲做三粒鐘，橫丁驚足三粒鐘。
真係咁好睇？ Sorry，唔係！只不過小妹細膽到死，蛇蟲鼠蟻就可以嚇怕我o勒~~
相信前無古人，後無來者。

Christmas Party

今年聖誕鴻運當頭，抽到永安三千蚊禮劵，可以比老豆同媽咪 shopping！

* Merry Christmas *

朱古力火鍋

行到落旺角先知剩餘o既三張劵都賣埋，連太古城都無，好失望...

天注定

Haagen-Dazs

今年o既 X'mas 好想再同逸桐食一個朱古力火鍋；如果開派對的話，重可以 share 添，hehe~~

要好好準備一下

東亞卡

終於攞到 Graduate Visa，真係好靚。

點解橫丁當時咁蠢唔攞，而家搵o黎攪!!!

睡得好

明白睡得好的原因...
身邊有人在，安全感就是最大因由。

如果．愛

12月期待o既一套電影 - "如果．愛"

總括而言，不過不失，係用心拍o既片，卻又未至於好出色。

可能期望大o左啦，周迅o既演技固然精彩，但講到問鼎最佳女主角，橫丁都重有所保留。

最印象深刻o既一幕歌舞 - 小雨由昔日天真無邪，變作一個為左成名而出賣自己o既女明星，好到！

暴動

機緣巧合去o左灣仔，示威人士開始起哄，民情洶湧，加上天色灰暗，防暴警察亂了了陣腳，感覺好恐怖... 難得仍有一群香港人去看熱鬧。

WTO

今日係橫丁o向世貿期間第一次踏足銅鑼灣；

昔日o既街道，一切如常；

少了一份熱鬧，多了一份淒美...

曾經責怪示威人士o既過激行為，現在反而有一點動容；

眼看他們三跪一叩由維園 X (真係無辦法搵一個貼切o既動詞去形容) 到會展，心裡不是味兒；

呢個就係文明社會帶來o既問題？

"不公平"總在我們左右...

遲到

好支力好支力...
今日幾經掙扎先起身，赫然發覺已經九點！橫丁立即 "拿拿臨" 梳洗出門口，返到公司都係 09:35，勁～

V 小姐

今日 V 小姐又唔知發咩神經，無啦啦踢隻高踭鞋上天花板，之後重口o翕o翕兼黑口黑面，真係傻o架！

公司員工生命受到威脅．．．

攞苦o黎辛

都話橫丁係一條辛苦命，咁忙重要搵時間去整o野...

不過都值得o既！

米高

心灰意冷o既時候，橫丁發現原來有人好撐自己，謝謝您~

Cookie

見返個 ex 會有咩感覺？
真係可以好似朋友咁？
會唔會有丁點兒o既心酸？丁點兒後悔？
抑或為條件比 ex 而家o個個好而高興？

人，就係一種複雜o既動物。

再o黎迪士尼

今日一家人去迪士尼，天氣好之餘，又玩哂上次無得玩o既遊戲，感覺好好多。

唐老鴨勁咸濕、勁鬼馬，攪到橫丁同逸桐好sweet sweet**

美中不足係一句 comment "唔等使"... 好一句"唔等使"，雖然橫丁都知係唔值，但係都唔使咁答我o丫！！！氣結~~
X#&%Y%Z$#%&*#W$

算啦，橫丁應該 appreciate 佢做o既事而唔係諗傻野。

IFC Italian Food

好耐未有咁 high 既 dating，飄飄然~

Waiting for my Tuesday, waiting for our sharing

雙層巴士

英國唔再有雙層巴士？
好遺憾，上次旅行無試過；
我諗以後都無機會坐...

低

要開口就變得"低"...

北海道

米雪24號去北海道，好 sweet 呀！
懷念滿天飛雪o既日子...
盼望夏天置身花海o既感覺...

心情壞透

唔老黎o既一日...

一返工就收到幾廿個 email 追文件、追信、追提單 number，明明做足但好似無做過咁，橫丁已經好忟憎，重要同逸桐吵，極度唔開心！

天寒地凍

今年最凍o既一日 - 12月5日
得12度...
橫丁又係時候冬眠o勒
好怕~

金龍船

一行八人去食大閘蟹，本來諗住去"上樓"，點知蟹宴已經完滿結束，我地只好揀去金龍船。可惜食物真係麻麻，10 分為滿分o既話，橫丁會比3分；最可取都係椒鹽豆腐，the best of the worst。唉，又一 bad list 食府~

敍舊

今日冼卓恆大婚日子，好多舊同學都有o黎到賀 -

Alison 皮膚靚番；

陳昌俊脫髮o既問題日趨嚴重；

Otto 成熟o左；

連陳奕毅都淡定了不少(唔再係以前方 Sir 口中o既反斗星)。

有好o既消息，亦都有唔開心o既 - Robert 生鼻咽癌，電療o左兩個月，而家先好番o的，希望佢無事啦。

得知 Amy 同 Amanda 都收到求婚戒指，橫丁真係勁興奮！！！當然，唔多唔少都有一點酸溜溜o既感覺。男朋友肯花咁多心思去作出一生一世o既承諾，一定好 "lum"。

一直以為自己唔在乎，原來 ......

肥膩

尋日去王家沙補祝 44 吋生日，三條友居然叫o左 8 碟餸 (隔離 2 個人都係食 3 樣o野)，好肥膩~

不過，又確係幾好味！

改變

橫丁真的變了？

痴纏、lady、小鳥依人... 其實都係正面o既意見

自己開心咪得囉~