IPO

第一次抽新股，感覺戰戰兢兢，好似個婆仔咁~

"好"消息

收到 email 以為咁荀唔使上堂，點知只係換 lecturer，失望．．．

美加之旅

講o左幾年，爹o地媽咪終於都去發叔叔度，又係作反o既時間！
(可惜六七月個 schedule 密麻麻o丫，唉．．．）

針炙

終於"的"起心肝去針條腰；嘩，真係痛到入心...

鬼咩，醫師話o既背脊骨有o的變形，肌肉實到針都就o黎拮唔入。

要好好護理~

血腥熊

目訓目訓o下覺血腥熊無啦啦出現，真係好 surprise！
甜~

西班牙

橫丁決定完成 master 後去學西班牙文；本來想揀德文，但諗諗o下都係前者有用o的，可以暢遊南美國家之餘，重可以去巴塞隆納睇 Antoni Gaudi 既傑作。

好！下年開始~~

"R" 頭

有報導指部份女性以活性乳酸飲品或可口可樂清洗陰道，真係好難理解；同時，橫丁亦好佩服醫生o既忍耐力，係呢個時候重可以咁理性去講 "飲品o既功用只係用來飲，唔可以亂洗"，勁！

破財

以後每個月使少二千，不過無壞o丫~

放榜

累積分數有2A4B，好開心呀！

估唔到最無信心同花最少時間o個兩科反而最好，都係多得逸桐 ^.^ 當然唔少得"tutor san"比o既指導、朋友仔o既鼓勵、重有同事們o既幫忙啦...

快o的過埋七月等橫丁抖抖啦，好耐都未同朋友去玩過o勒~

達文西

咁 hit 既電影，確實唔睇唔得；可惜值得討論既唔係劇情有幾緊湊、主角有幾吸引、製造費有幾龐大，而係一o的令人 O 哂咀既言論。

以下係橫丁偷聽人o地對話既節錄 -

"哦，個套咩嘛，好似入面好多名畫喎，重話唔知係邊度拍o架嘛"
(....)

"影帝真係影帝，講英文都勁o的，我唔睇字幕都可以聽到8成"
(sorry, 橫丁自問才疏學淺，對宗教專有名詞一知半解，失敬失敬)

"劇情緊湊到連去廁所都要跑返o黎呀"
(一o的都唔覺)

真係啞哂~

提醒

不斷咁提醒自己要控制情緒、放大佢既優點、縮細佢既缺點、唔好再有 expectation... 點解仍然會因為佢一句無 appreciation 既說話而動氣？

橫丁比心機好嗎？

持續進修

【持續】- ｃｈr ｓｈｉu
有繼續不斷o既意思

"持續進修基金為有志進修的成年人提供持續教育和培訓資助。合資格的申請人可就多於一個可獲發還款項課程申領發還款項。完成可獲發還款項課程或該等課程的部分單元後，可獲發還有關課程費用的80%或上限10,000"

但橫丁今日先發現申請人最多只可以申領發還款項兩次，而且必須在批准申請的日期起計兩年內提出。Oh God！咁都叫持續？係咪有點兒那個那個...

之前 claim 剩o個七千幾蚊可能泡湯了~

唔使憂

同逸桐去睇針炙，醫師一見到橫丁粒墨，就有以下 comment：

"心口有粒墨，一世唔使憂" (連相都睇埋，真係唔夠你撈)

好，承你貴言！

果子屋橫丁都係要人guide住

唔止你，我都好愛呢個名。

若非我的存在，你會有更好的成就嗎？

呢句話唔係第一次聽，唔通呢個就係橫丁比人o既感覺？

．．．無言．．．

我都想依賴別人，我都想平平淡淡生活，但我要o既安全感往那裡了？

．．．唔開心．．．

反省

無意中同佢傾返 msn，發覺原來咁多年o黎自己都無進步過，重係咁細路女、咁幼稚．．．２７歲都o黎緊o勒，係時候要改變。

颱風

好耐都未試過打風，聽日"珍珠"襲港，唔知有無得偷懶一日呢？

Impulsive Buying

好慶幸一向都唔係衝動主義者，就正如之前好想好想買o既o野，而家通通無 feel。但o個o下衝動帶o黎o既快樂確實令人回味（去除收到預結單時的感覺），點都好過唔鍾意o個樣o野又無啦啦有咁無奈．．．

複製人

真的有點像當時的他，這算是報應嗎？我會得到一樣的結局嗎？

勸自己不要再想，一相情願總是令雙方透不過氣來，但很難... 很難...

那時候的我也許太殘忍了。

姊弟戀

近來最 hit 既話題　－　<<姊弟戀>>

可唔可以接受？若果思想上、外表上夾的話都 ok 既，但點都唔能夠大太多囉．．．始終怪怪o地～

就正如阿媽話齋：開頭你唔覺，到o左四五十歲個樣殘哂你先知！

或者橫丁都係一個保守既人。

>.<

一句 "... 你成日都唔高興o架啦，唔係咩？你自己諗o下"，勁腰心腰肺！

好，橫丁以後唔理、唔聽、唔再管咁多！！！

缺德

今日居然係樓梯上見到用過o既女人o野，一句講哂 - 好邪！

M 記

好耐都未試過去 M 記食早餐，重有人晨早起身陪，呵呵～

失望而回

籌備已久o既禮物，一句 out of stock，好失望．．．

果然係禍不單行！

好男人

晨早收到一個 "哂命" msn，無計，條命確實生得好...

男朋友千依百順、隨傳隨到又無說話聽；
要乜有乜唔使出聲；
照顧埋妳屋企人重 friend 過打 band；
最重要係唔會口花花又好鬼 man。

係香港女仔要求高，定係好男人絕哂種？

氣結

今日特登早o的返公司，點知 Wendy 病o左，個個都無鎖匙，橫丁白白企o左成粒鐘，重要熱到傻，天呀~ 點解咁玩我？！

最氣頂都係人o地阿 sir，o個副口面真係黑我憎，唔鍾意呀！唔鍾意呀！

想

究竟想點？橫丁自己都唔知；可能六月o既 course 黎緊，心情又開始!%$^)%G$%&*&@$RW

HELP!

久違了的感覺

害怕靜下來,
懷念心跳的回憶...

朋友

橫丁發覺讀書後，要上堂趕功課之餘，又要陪逸桐，好似少o左好多時間見朋友，連三月話見面o既 friends 都重未約，有o的內疚o添...

一日可唔可以有 48 個鐘呀？

孩子

引自肥貓的"部落格" -

"這世界太可怕了，我覺得我不應該再把孩子帶來這世上。"

"就是因為世界可怕，我們才要生孩子，來化解這世界。"

令人感動而又有感而發的見解...

秘密

終於講o左 the last secret 比佢知，一o黎唔想隱瞞， 二o黎亦唔想佢咁辛苦。

心，確實o拿住o拿住；亦唔知自己有無做錯。其實佢個心諗緊o的乜？係我太過有計劃，定係 expectation 太高？

算啦，對於一o的會傷害雙方感情o既事，諗咁多做乜~

可能比你而家做o左第日就後悔呢，let it be...

Gondola

話說以前黑色o既貢多拉只用作運載黑死病o既遺體，有錢人先會用色彩斑斕o既貢多拉，裝飾得要幾豪有幾豪。政府眼見貧富懸殊o既風氣日益嚴重，因此規管貢多拉只能夠以黑色船身示人。

可惜.. 可惜...

但橫丁仍有幸坐過貢多拉，聽過"貢多男"唱歌，hehe

而家先發覺原來一程 短短 40 分鐘o既體驗，居然要成千蚊！突然覺得當時好鬼豪~

辭職

得知問題 sales 辭職，橫丁真係無乜感覺，或者對大家o黎講都係一件好事。

唔知點

橫丁決定投資，但成日係度諗，如果呢兩年內有咩特別事，又或者想買樓，咁咪 hold 住哂o的錢？

佢又無乜計劃，算啦，孤注一擲！