工幹

得知 Otto 去日本工幹兩年，感覺好得意...
有時諗o下，如果當日無分手，我o地兩個都唔會 keep 得耐；
"兩種人就係兩種人"
而家各有適合o既伴侶咪幾好~

好面善

突然興起返大陸揼骨，見到一個人好鬼面熟，諗o黎諗去都講唔出係邊個，但肯定係橫丁認o既。最後最於"叮"一聲 :

鍾-保-羅

好邪！

Grade

返到屋企收到大信封，原來係 Fullerton 寄o黎o既成績表；
懷住戰戰兢兢既心情拆開佢，好驚...好驚...
之前以為第一個 course 會唔合格，點知居然有A-，O 左咀？？！！
真係好開心~~~
橫丁話過如果呢個 course 勁過就一定要比心機，幾辛苦都要撐！我唔會食言嫁 ^.^
Thanks God.

改

既然佢o地覺得係我問題咪改囉；開始明白當你對住一班安於現狀o既人(重要係你上司)，無辦法唔妥協。

確實唔想捲入辦公室政治...

橫丁每日金句 -
"小做小錯，唔做唔錯，唔講多餘又逆耳o既說話，唔做吃力不討好o既事，無謂教精你身邊o既小人"

切記切記~

投資

橫丁心知年紀開始大，要有計劃地投資；但又自覺策略保守，點先可以係呢幾年內儲多o的錢？

其實真係好想聽一句"做得咁辛苦唔好做，我養您啦"

都係有o既時候唔珍惜，而家就去恨，犯賤！

What are you going to be in the next five years?

一個五年前o既問題到今日居然唔識答...

I want to be rich and no longer worried about the future. Could I?

孱仔

終於逼到逸桐去睇針炙；原來胃出血o既問題唔係最大，胸椎骨先至係原兇，希望快o的睇番好。

雖然佢都係為o左自己個 outlook 先肯去睇醫生，但肯正視呢個問題總好過無o丫。

cheap 友

點解有o的人咁自私？傾野唔出現，presentation 又話唔參與， intra 組評審o既時候重要提議比少o的分人o地，sigh!!! 開頭見佢得一個人先 join 埋佢，而家真係有o的後悔~

高低

每一個心目中都有個 ranking，人比人、人比物，物比物．．．有時都可以計算得到自己o既排名有幾高。

橫丁都心裡有數~

日本

家姐同媽咪聽日去日本o勒，橫丁都好羡慕，幾時先可以去玩？
不過有五日無皇管都未嘗唔係一件好事。

南翔小籠包

一家人去食飯，除左四季豆同小籠包外，其他都可以唔叫。
無下次~~~

物理治療

開始做物理治療，感覺又幾好。
原來一直都用錯力，攪到背脊兩舊肌肉長期發炎，苦~
希望快o的好番。

老脾

呢輪心情真係好反覆，點解？

主動 vs 被動

Umates 聚會，可惜都係唔齊人，不過一邊睇相，一邊聽羅倫斯窒米雪已經好攪笑。

壞消息係 Cindy 始終放唔低，有咩方法可以幫佢？真係要靠佢自己...

女仔都唔好咁強調"矜持"呢樣野。

洗腳唔抺腳

近排太大使o勒，好想諗將來，無奈...
亦唔想比壓力人，算啦，橫丁要努力！

Miffy

為慶祝 Miffy 50歲大壽，橫丁去o左東港城打打氣。
可惜展覽範圍極小，令人失望，比上次重差。唉~
>.<

感動

Marvin 回港，又再 gather 一齊食飯，今次重見到佢o既未婚妻。

細聽兩人相識過程，又真係幾感動。幾多人有呢種"叮"一聲o既感覺？又有幾多人可以忠於一個伴侶咁多年？

要學懂珍惜~

絕句

雜誌封面標題"李彩樺箝實小伊健"未夠絕

一句"邊個係小伊健呀？"先令人咋舌，真係 O 哂嘴

好難想像此話出自一個四十歲o既男人把口(重要係兩條麻甩佬之間o既對話)

......

自討苦吃

成日都要做衰人，橫丁係咪真係咁 harsh？

車牌

終於"的"起心肝去運輸處領新牌 -

職員：換新牌呀？
橫丁：唔...
職業：掛左 P 牌一年勒？
橫丁：唔...
職員：坐低等嗌名交錢啦。
橫丁：(暗笑)

其實無掛 P 牌o既"電單車人"重危險，小心，小心~

大小姐 vs 大少

一向被寵o既大小姐，遇上脾氣唔差o既少爺，幾時會爆發大戰？

係咪應該行呢一步？

台灣

一個陌生的名字，這麼近，那麼遠...

一年前，橫丁渴望重遊此地，拍一個記念。現在卻沒有甚麼大不了~

縱然有點兒失望，但只要二人在一起便已足夠。

雞子

原來雞子係雞o既腎，雞腎反而係雞o既胃，真係學識淺薄...

後現代生活

老實講，完成碩士課程後，橫丁希望擺多一o的時間係自己想做o既事上面，例如去捷克、土耳其、奧地利、印度、關島；學整甜品、煲湯煮飯；再 pick up 返單簧管...

到時要享受人生~

My Schedule

五六七月的時間表，滿滿的透不過氣來，橫丁再次感到壓力有多可怕。

多一點時間，多一點金錢，是一種奢侈嗎？

腰患

條腰痛得要命，唔做物理治療都唔得...

我的炎夏

換季o勒換季o勒，雖然o的蛇蟲鼠蟻又會走番哂出o黎，但最開心係可以收埋o的冬天衫，衣櫃立即鬆動o左唔少，hehe~

地震

媽咪匆匆忙忙咁打o黎話台灣地震，又搵唔到家姐，點知原來係台東有事，比佢嚇餐死~