讓我的牙在冬季死去

兩年一度去洗牙，橫丁好慶幸無蛀牙(因為牙一向都比較薄，好容易蛀)。
可惜，左邊隻犬齒竟然壞死o左，簡直晴天 Pig Pig呀！！！

牙醫：『咦，你隻牙壞死o左喎。』
橫丁：『咁會點呀？』
牙醫：『要杜牙根囉。』
橫丁：『o下，點解會咁嫁？』
牙醫：『如果隻牙蛀過，又或者撞傷o左，就會壞死o架o勒。』
橫丁：『但係我無喎。』
牙醫：『咁好多時都唔知點解o既。』
橫丁：『... (無奈中)』
牙醫：『你考慮o下啦，如果唔理佢，隻牙再無血到，慢慢就會變成黑色，可能會影響埋隔離o的牙o添。』
橫丁：『o下...』
牙醫：『係呀，其實通常因為蛀牙同踫撞影響囉，不過好多時都唔知點解o既。』
橫丁：『... (再度無奈中)』

唉，未到鼠年，又要破財，承惠港幣千三大元。