儲蓄

今日逸桐建議開設聯名戶口，唔知點解，橫丁有o的 down down o地。
老實講，橫丁好鍾意逸桐，而逸桐亦都係自己o既結婚對象，但總覺得佢成日都唔緊唔緊咁，好似我一定嫁硬佢。
其實橫丁之不過想佢認真咁向自己求婚之嘛... 雖然明知唔會係呢二三年間實行o既事，感動o下都得o卦！！！有時有o的o野過o左，就算第日做返都無 feel；好怕我o地三年後會為o左儲夠錢，唔再有咩表示而結婚。
橫丁明白呢樣o野唔一定要男仔開聲，但十個女仔有九個都幻想o個一刻...... 算啦，既然無提過，或者已經 assume 我o地有共識。係就係有o的酸，但如果佢因為知道o左我點諗先做，我會更加唔開心。
Anyway,儲錢係遲早o既事，不過橫丁要立定決心，應承o左就可能無人同自己講"您願意嗎？"